အချစ်နှင့် သူ၏ဆန္ဒ

လင်းလက်ခွင့် မရှိတဲ့ဘ၀မှာ

ကြယ်တစ်ပွင့်လည်း မဖြစ်ချင်ဘူး

ချိုတဲ့တဲ့ ဘ၀မှာ

ပန်းချီလည်း မဆွဲတတ်ချင်ဘူး

ရယ်မောခွင့် မရှိတဲ့ဘ၀မှာ

အောင်နိုင်သူလည် မဖြစ်ချင်ဘူး

နွေမရှိတဲ့ အရပ်မှာ

ကဗျာဆရာလည်း မဖြစ်ချင်ဘူး

ဒီလိုပဲ

မနီးစပ်နိုင်တဲ့ ဘ၀မှာ

အချစ်ဆိုတာလည်း မရှိချင်တော့ဘူး

တကယ်တော့…..

မုန်တိုင်းမိနေတဲ့ လှေငယ်တစ်စင်း

ကမ်းကပ်ခွင့်ကို တောင့်တသလို

ငါမင်းကို လိုအပ်ခဲ့ပါတယ်

ဒါပေမဲ့…….

တကယ်တမ်းမှာတော့

ငါ့ ဘ၀ရဲ့ကြမ်းတမ်းမှုတွေကြောင့်

မင်း ကမ်းထားတဲ့လက်ကလေးတွေကို

တပ်မတ်မှု သက်သက်နှင့်

မဆုပ်ကိုင်ရက်ခဲ့ပါ

မချစ်လို့မှ မဟုတ်ဘဲလေ…

တစ်သက်တာ နှစ်သိမ့်မှု

သိစိတ်က ငြင်းဆန်နေရင်းနှင့်

မသိစိတ်က တဖြည်းဖြည်းငြိတွယ်လာခဲ့တယ်

ဦးနှောက်က လက်မခံဖို့ဆုံးဖြတ်နေသလောက်

နှလုံးသားက အနက်ရှိုင်းဆုံးချစ်နေမိပြန်ရော

သတိမရဖို့ ဇွတ်အတင်းမေ့ထားတဲ့ကြားက

ဆွတ်ကျင်တဲ့ အလွမ်းတွေကိုဘယ်လိုတာဆီးရမလဲ

မဖြစ်နိုင်မှန်း သိပါလျက်နှင်

အနာဂတ်ကို ပုံဖော်နေမိပြန်တယ်

ခက်တယ်ကွယ်……

နှလုံးသားက ဦးနှောက်လိုမဆင်ခြင်တတ်

ဦးနှောက်က နှလုံးသားလိုမချစ်တတ်နှင့်

တကယ်ဆို

ပိုင်ဆိုင်ခွင့် ပေးနိုင်ဖို့ဝေးလို့

ဖွင့်ဟခွင့်လေးတောင် မရနိုင်တော့တဲ့ဘ၀မှာ

တစ်သက်တာ အတွက်

တိုးတိတ်စွာ လွမ်းရင်း

နှုတ်ဆိတ် ကျေနပ်နေပါ့မယ်

ကျွန်တော်မှားတယ်

တောင်ဆီမှာ မိုးတွေညှိ့နေပေမယ့်

ကျွန်တော်ဟာ တိမ်တွေမဟုတ်ခဲ့လေတော့

မိုးစက်တွေ ရွာချပေးဖို့လည်မဖြစ်နိုင်ပြန်ဘူး…

ကျွန်တော့်ကိုယ်ပိုင်မြင်ကွင်းထဲမှာ

ပြတင်းပေါက်တစ်ချပ် မရှိခဲ့လေတော့

မေးထောက်ပြီး မကြည့်ဖြစ်ပြန်ဘူး……

သူများထက်ဦးအောင်

ဝီရိယတွေ ခေါင်းထဲထည့်မထားမိခဲ့လေတော့

အပြစ်ရှိကြောင်း ခေါင်းငုံ့ရုံ……..

အဲဒီနေ့ မနက်ခင်းလေး

နေခြည်ဝင်းပတဲ့ ကောက်ကြောင်းလေးရေးဆွဲချိန်

ချစ်သူ့ခေါင်းပေါ်မှာ

စံပယ်တွေ ဝေေ၀ဆာဆာပွင့်လို့……

ကျွန်တော် မှားတယ်

အမှားနဲ့နောင်တ

တစ်ထပ်တည်းမကျဘူး

အိပ်ရာထပျင်းခဲ့တယ်လေ……….

အမုန်းမဲ့ ရင်ခွင်

ဝင်သက်ထွက်သက်တွေနှင့်

ဆက်လက် ရှင်သန်နေဆဲပေမဲ့

ကိုယ့် နှလုံးသွေးတွေကတော့

မင်းစကားလုံးတွေရဲ့ လက်ချက်နှင့်တင်

ရပ်တန့်ခဲ့ပြီ

သိမ်မွေ့တဲ့ချစ်ခြင်းတရားတစ်ခုအတွက်

မာနတွေငဲ့ကွက်ဘဲ ပေးဆပ်ခဲ့ခြင်းဟာ

ကိုယ့် အတ္တသက်သက်အတွက်တဲ့လား

ချစ်ရသူရယ်

အဆုံးစွန်ဆုံး မြတ်နိုးခဲ့ပေးမဲ့

မင်းအတွက်

မနွေးထွေးခဲ့တဲ့ ကိုယ့် ရင်ခွင်ကို

ယောင်လို့တောင်မှ ကရုဏမထားလိုက်ပါနှင့်

ကိုယ့် မျက်ရည်တွေနှင့် မင်းခြေဆေး

ကိုယ့် နှလုံးသားကိုခြေနင်းလုပ်လို့

တစ်ပါးရင်ခွင်ဆီ သွားမယ့်မင်းလမ်းခရီးမှာ

ပျော်ရွှင်ပါစေ ချစ်သူ…………

အသံမဲ့ မြို့ဟောင်း

ကွဲကွာကြမှာ စိုးလို့

တင်ကျပ်စွာ ဆုပ်ကိုင်လိုက်ကြတာမှ

အဲဒီလက်နှစ်စုံထဲမှာ

အနာဂတ်တစ်ခု တွန့်ကြေသွားတယ်

ကြယ်တွေနှင့် သီထားတဲ့ကြိုးကို

မေ့ထားတာပါ

မေ့သွားတာမဟုတ်ပါဘူး

ဆောင်းလေညင်းက

ညနေနှင့် စစ်ခင်းတဲ့အချိန်ဆို

ဝိညာဉ် လွင့်မတတ်

လွမ်းရုံက လွဲပြီး

ငါအဆင်ပြေပါတယ်

မသိစိတ်အလိုဆို

ရင်ခွင် နွေးနွေးဆီကို

ပြန်ပြေးပြီး

အားပါးတရသာ ငိုကြွေးပစ်လိုက်ချင်တယ်

ဒီအချိန်ဆို

ငါဖြိုဖျက်ခဲ့တဲ့ သစ္စာအိမ်လေးထဲမှာ

ငါဆိုးခဲ့တဲ့ ဝေဒနာတွေနှင့်

ချစ်သူအဆင်မှပြေပါ့မလာ……..

အတ္တမဲ့ အချစ်

သိပ်ချစ်တာပဲကွယ်တဲ့

ချစ်နှုတ်ဖျားက ပြောတဲ့စကား

ကိုကြားတော့သိမ့်သိမ့်တုန်

နှလုံးခုန်သံတွေမြန်ပြီး

မူမေ့တောင် သွားချင်မိရဲ့

အဲဒီအချိန်ကတော့

လမ်းခွဲဖို့ဆိုတာ မတွေးခဲ့မိဘူး

မြတ်နိုးလိုက်တာကွယ်တဲ့

ချစ်မျက်ဝန်းက ကြည့်တဲ့အကြည့်

ကို သိတော့အသည်းမှာငြိပြီး

မျက်လွှာချဖို့တောင် ၀န်လေးနေမိရဲ့

အဲဒီအချိန်ကတော့

ဝမ်းနည်းဖို့ဆိုတာ မစဉ်းစားခဲ့မိဘူး

မုန်းလိုက်ပါတော့ကွယ်တဲ့

ချစ် ပြောလိုက်တဲ့စကား

ကိုကြားတော့ ငေးနေရုံ

ချည်နှောင်မထားမိတဲ့ အဖြူထည်သံယောဇဉ်ကို

ချစ်ဥပေက္ခာပြုလည်း ကို ပြုံးနေပါ့မယ်

အဲဒီအချိန်မှာတော့ ကိုယ့်ကို

မျက်ရည်မကျဖို့ တားလို့မရခဲ့ဘူး….

ချစ်သောနွေ

စိမ်းပြာပြာ တောင်တန်းကြီးတွေနှင့်

ချမ်းအေးတဲ့ ပန်းမြို့တော်ဆီသို့တစ်ခေါက်

အလည်ရောက်လို့ သွားခဲ့စဉ်ကပေါ့

ယူကလစ်နံ့ သင်းတဲ့မြေးနီလမ်းကလေးမှာ

တေးလေးတွေကို ညည်းရင်း

စတော်ဘယ်ရီ ချဉ်ချိုမွှေးနှင့်

ရင်ကို အေးခဲဖူးပါတယ်

အရာင်အသွေး စုံလင်စွာ

ချစ်စရာကောင်တဲ့ ပန်းကမ္ဘာကြီးထဲမှာ

လိပ်ပြာလေးတွေကို အဖော်လုပ်လို့

ပျော်ခဲ့ဖူးတာလည်း သူတို့အသိနော်

မေ့ပျောက်လို့ မရနိုင်တဲ့

ရှမ်းခေါက်ဆွဲ ဆိုင်ကလေးရယ်

တောင်ပေါ်သားကို

မပြန်နိုင်အောင် လုပ်နေသလား

ပြီးတော့လေ

သိမ့်မွေ့တဲ့ အပြောလေးတွေနှင့်

နူးညံ့တဲ့ အကြေည့်တွေကိုပေလားသူ

စိန်ပန်းပြာနှင့် ငုပန်းဝါတို့ရေ

မင်းတို့တတွေ နွေရာသီကို ချစ်သလို

ကိုယ်လည်းပဲ နွေဆိုတာကို ချစ်တတ်ပြီနော်..

အလိုရှိသည်

ခဏတာ လာနား

ခိုနားပြီးရင် ပျံသန်းသွားမယ့်

ငှက်တစ်ကောင်ကို လှောင်မထားချင်ဘူး ချစ်

ခဏတာ စိုက်ပျိုး

ရှင်သန်ပြီးဆူချက်တွေ အမျိုးမျိုးနှင့်

ရင်ခွင်ကို အလဲထိုးမယ့်

ပန်းမျိုးကို တို့မပျိုးချင်းဘူး ချစ်

ခဏာတာ စီးဆင်း

နောက်ပြီးရင် လမ်းခွဲတွေကိုမေ့ပစ်တတ်တဲ့

မြစ်တစ်စင်းထဲကိုလည်း မသက်ဆင်းချင်ဘူးချစ်

ခဏတာထွန်းလင်း

လကွယ်ညမှာဆို မလင်းတဲ့

ကောင်းကင်က လမင်းကိုလည်း

မတပ်မက်ခဲ့ဘူး ချစ်

သို့ပေမဲ့လည်း

မတည်မြဲခြင်းတွေ များစွာထဲ

ပြောင်းလဲမှာကို ကြိုသိနေပေမဲ့

ခိုင်မြဲမယ့် အချစ်တစ်ခုကိုတော့

လိုချင်မိတယ် ချစ်

မလွမ်းဘယ်သူနေမှာလည်

ငါသိပ်ချစ်မြို့လေးဆီ

တောင်ပေါ်မြို့လေး ကျန်ရစ်ခဲ့တယ်

ချယ်ရီပွင့်ချိန် ချယ်ရီတွေမှပွင့်ရဲ့လာ

ရွာထိပ်က တစ်ပင်ထီးတည်း ပိတောက်ပင်ကြီးကတော့

သတိရခြင်းတွေ တစ်နင့်တစ်ထွေးပွင့်လို့

မြည်ကျိုးဌက်ကလေးကအော်မြည်လိုက်တယ်

နှင်းတွေညို့လာပါပြီလား

တောင်တန်းကြီးတွေပေါ် ဖွေးဖွေးလှုပ်အောင်ရွာချနေပြီ

ဘယ်ကမှစာမလာဘူး

ကုန်လွန်ခဲ့တဲ့ ရာစုနှစ်တွေဆီလွမ်းနေမိရဲ့

နောက်တစ်ကြိမ်း ဘယ်တော့ပြန်ဆုံကြမှာလဲ

နှင်းထုကြီးကလည်

ထူသထက်ထူ ပိတ်သထက်ပိတ်လာပြီ

ပိတောက်ပင်ကြီးလည်း တုန်တုန်ရီရီနဲ့

အလွမ်းတွေ လွှတ်ကျောင်းနေလိုက်တာ

ကြည့်စမ်း တစ်လောကလုံးလွင့်စဉ်ပြန့်ကျဲလို့

နွေရင်ခွင်ထဲ ကြွေတဲ့….ကိုယ်

တောင်ပြန်လေရူးက

ကိုယ့်ကို ဦးဦးဖျားဖျား ခိုးနမ်းသွားခဲ့ပြီ

ကံ့ကော်ကို ချစ်တဲ့သူတွေ

ပိတောက်ကို ချစ်တဲ့သူတဲ့တွေ

ငုကိုမှ ချစ်တဲါသူတွေ

ကိုယ်ကတော့

အဲဒီပန်းပွင့်ကလေးတွေ အားလုံး

ပါဝင်ထုံမွှမ်းထားတဲ့

နွေကိုချစ်တယ်

လွမ်းတတ်တဲ့ ဥသြလေးကို ချစ်တယ်

တောင်လေခေါ်ရာ လွင့်ပါနေကြတဲ့

ရွက်ဝါကလေးတွေကို ချစ်တယ်

ရိုးတံပြိုင်းပြိုင်းထ

ပင်အိုတွေရဲ့ အလှကိုချစ်တယ်

ဘယ်တုန်းကမှ ပါဝင်မဆင်နွှဲခဲ့ဖူးတဲ့

သင်္ကြန်ကို ချစ်တယ်

နောက်ပြီး

အဲဒီနွေရဲ့ အနုပညာထဲမှာ

ခံစားပျော်ဝင်သွားတတ်တဲ့

ကဗျာဆရာတစ်ယောက်ရဲ့ ဖြစ်တည်မှုကို ချစ်တယ်

ဘာပဲဖြစ်ဖြစ်ပေါ့ကွယ်

နှစ်တွေဘယ်လို ပြောင်းပြောင်း

နွေတပေါင်း ရောက်တိုင်းမှာ

ကဗျာရင်ငွေ့ထဲ နစ်မောလို့

ကိုယ့်နှလုံးသားလေး မျော်ပါရမြဲလေ……

Pink Roses For You..

Because you're a beautiful person,

I wanted to send something beautiful to you.

Because you always fill my world

with laughter and happiness,

I wanted to send something bright to you.

Because our friendship is true,

I wanted to send some pink roses to you.

It's not much,

but I hope this greeting will do.

In my own special way,

I just wanted to let you know that

you're in my thoughts today,

and I'm sending some good

wishes your way.

ပန်ခဲ့ဖူးတဲ့ ပိတောက်ဝါ

ဧပရယ်လ်ရဲ့ ပိတောက်ဖူးရယ်

ငါရူးနေအောင် ချစ်ခဲ့ဖူးတယ်

နွေရဲ့ပိတောက် တစ်ခတက်ဟာ

ငါ့တစ်သက်မှာ ခါးသက်စေခဲ့သတဲ့

မထင်ခဲ့ပါဘူး

လှောင်ပြောင်တဲ့ အပြုံးတစ်အောက်

ဒူးထောက် ခစားဖို့ဆိုတာ

ကဗျာ ဆန်ပေမဲ့

ကာရံမှ မညီခဲ့တာကွယ်

တကယ်တော့

ငါရူးမိတာပါ

မေ့မရတဲ့ အတိတ်ဆိုတာ

အဆိပ်တွေနှင့် ပြည့်နှက်နေခဲ့တာလေ

ငါမှာတော့ သင်္ကြန်ရောက်တိုင်း ငို

ပန်ုခဲ့ဖူးတဲ့ ပိတောက်ဝါကို

လွမ်းဆွတ် နေမိပြန်တယ်

သြော်…ပိတောက်ဖူးရယ်

မုန်းလို့မှ မရခဲ့တာကွယ်…

ကိုယ့်နွေ

ပိတောက်နှင့် ငုတွေ

ကခုန်နေကြတဲ့

နွေရဲ့ ရင်အုံထဲမှာ

ကိုယ်တို့နှစ်ယောက်ရဲ့ အမှတ်တရ

ချစ်သူဘ၀ စတင်စီးဆင်းရာ

နွေဦးရဲ့ ညချမ်းတစ်ည

နွေးထွေးတဲ့ တောင်ပြန်လေဟာ

အချစ်ရနံ့တွေ သင်းပျံ့

ဖြည်းဖြည်းဖွဖွ ရှပ်တိုက်ပြေးနေဆဲ

ရွက်ခြောက်လေးတွေထဲမှာ

အချစ်သံစဉ်တွေငြိပါ

အရာရာဟာ

ကြည်နူးစရာ ရစ်ဖွဲ့ခဲ့ကြ……..

အဲဒီက စလို့

ကိုယ်အချစ်နွေဟာ

မာယာမရှိ

ဝေဒနာမရှိ

ပကတိ ရိုသားခြင်းတွေနှင့်

ဖြူစင်စွာ လင်းကျင်း

ရင်ခုန်ဖွယ် အပြစ်ကင်းစင်နေလေရဲ့…………

သင်္ကြန်

သင်္ကြန်ရေ

နင့်ကတာ့ သင်္ကြန်မိုးနှင့်အတူ

ရောက်လာပြန်ပြီ

နင့်ကိုကြိုနေတဲ့ နွေပိတောက်နှင့်

ငုဝါတွေကြားမှာ နင့်ပျော်နေမှာ အသေအချာ…………..

ငါ့မှာတော့လေ

နင်ဖျန်းလိုက်တဲ့ သင်္ကြန်မိုးကြောင့်

ရင်ထဲက ဝေဒနာတွေအသစ်ဖြစ်လို့

ရင် မချိတော့ဘူ…………..

မနှစ်ကစိုခဲ့တဲ့ သင်္ကြန်ရေ

ရရှိခဲ့တဲ့ အကြင်နာ

ပန်ပေးခဲ့ဖူးတဲ့ ပိတောက်တစ်ခတ်ကို လွမ်းရင်း

ဒီနှစ်တော့

ရောက်မလာနိုင်သေးတဲ့ နင်ကိုသာအကြိမ်းကြိမ်းမျှော်

ဖလား တစ်ခွက်နှင့်

အထီးကျန်နေဆဲလေ……………

ရင်ထဲက အလွမ်းနွေ

တစ်နှစ်ဟောင်းလို့ တစ်နှစ်ပြောင်း

ကောင်းသောနှစ်သစ်

ဖွင့်ခြွေလှစ်လို့

နွေကိုချစ်တဲ့ သင်္ကြန်

ရောက်လာပြန်ပြီနော်…..

ပြန်လာလေမလား

မျှော်နေလျက်သားက

ဝေဒနာခါးခါးတို့ နှိပ်စက်

အိပ်ပျက်ရက်တွေ

သင်္ကြန် စာမျက်နှာထက်မှာ

စုတ်ချက်ကြမ်းကြီး ခြစ်လို့

အလွမ်းနွံမှာ နှစ်ထားခဲ့တယ်…..

အလွမ်းဆက်ရန်

ကိုယ် အားမသန်တော့

ရင်ခွင်နွမ်းဖျော့

ကျွမ်းလုလု အသည်းနှင့်

သခင်ပေါ်လာမယ့်လမ်း

ရော်ရမ်းလို့ မျှော်

အလွမ်း ပုံရိပ်တွေနှင့်

နိမိတ် ခြွေရင်း

အတိတ်နွေမှာ မွေ့လျော်နေဆဲမို့

မပျော်ပါဘူး သင်္ကြန်ရယ်…..

မျှော်လင့်ခြင်း ပိတောက်

ဧကရယ်လ်…..

ဒီလလေး ရောက်တိုင်း

ရင်မှာအတိုင်းမသိ ပျော်ရွှင်ရင်း

သူ့ကိုလေ သတိရမိတယ်…..

ပိတောက်ပွင့်တွေ မြင်ရတိုင်း

တူးပို့တေးသံတွေ ကြာရတိုင်း

ပျော်ရွှင်တဲ့ ရင်ခုန်သံစည်ချက်နဲ့အတူ

သူ့ကိုလေ လွမ်းနေမိတယ်…..

ဂိမာန်နွေ ရောက်တိုင်း

မျှော်လင့်မိတဲ့ မျှော်လင့်ချက်တစ်ခု

အခုချိန်ထိ

ရင်ထဲမှာ ရှိနေဆဲပဲလေ…….

သြော်….ရွှေဥသြရယ်

မင်းသိနိုင်မယ် ဆိုရင်

ငါ့ကိုအဖြေလေး တစ်ခုပေးစမ်းပါကွယ်

ခါသင်္ကြန် ရောက်တိုင်း

မျှော်လင့်မိတဲ့

ပိတောက်လေး တစ်ခတ်

ဒီနှစ်မှာရော

သူ့ဆီက ရနိုင်ပါ့မလားကွယ်….